إإإإإإإإإإإإإإإهداااا لاهل القصيم.........لايفوتكم

السلام عليكم ورحمه الله وبركاته..

هذي قصيده حلوه اعجبتني وحبيت انقلها لكم

قالت: قـصـيمـي قلت فخـر ومـعزه

أهـل الكـرم والحلــم والـبأس

قالت قصيمي قصدها بي تهزأ

ماتدري اني بأفتخر وارفع الراس

الحمد لله روسنا دوم رزه

اللي خلقنا بس نحني له الرأس

صافي نسبنا والحسب فيه عزه

أصل أصيل وفصل والعرق دساس

أهل الوفا والدين صافي منزه

عن كل ماشاب العقيده من ادناس

حنا العقيلات أنشدي رجال غزه

حنا هل الدنيا وللدين حراس

حنا سنايد نجد في كل حزه

لاخانت حلوق الرجاجيل الانفاس

حنا جبالٍ يعجز الريح هزّه

حنا لنجد حزام وعصابه الرأس

نارد حياض المرجلات ونلزه

مانمشي دروب الرذيله والادناس

من يغلط لسانه علينا نجزه

واللي يحقر قدر الرجاجيل ينداس

منا العدو تكفيه بالعين خزه

يقضي عليه الخوف مع كل هوجاس

من ذكرنا في قلبـــه تثور نـــزه

من طاري القصمان يبلاه وسواس

نومه كوابيس وروعـــه وفـــزه

دقت نواقيس الخطر له والاجراس

وان هو لقى من هو علينا يوزه

هون له الصعبات وإبليس خناس

مايــدري انـه للمهالــك يــوزه

عجل على بناه يمحي من الساس

يابنت حـنا مـن نخانـا نعــزه

يامن بنا الملهوف وتهابنا الساس

مـرسولـنا للـخير دايم نـكزه

ولصرخه المحتاج نرخي الاكياس

تاريــخنا مـجد. لبـسناه بـزه

نمشي بوسط السوق ماندحم الساس

لك ماتركنا بكأس الامجاد مزه

واجد عليك ومثلك حثاله الكأس

وش جاب حر الطيرلفرخ وزه

منهو يساوي جوهر ألماس بنحاس

لا تحسـبين انــك لنـا مستـفزه
وش يأخذ الباعوض من ريش قرناس

صح لساااااااانك

احم احم<< بدت تترزز..

يسلموو خيتو على هالقصيدة..

ولايحرمنا منك

يعطيك العافيه ..
تحياتي لك

مشكورين عالمرور والرد

صــح لسانكـ .. ويعطيك العافيه ع طرحكـ ...

تحياتي لكـ..،،،