الدستـــــــــــور..,,!!ّ

بسم الله الرحمن الرحيم ..

السلام عليكم يا عضوين وعضواات موقعناا الموقر .. كيف حالكم وأخباركم وش مسووي .. نـور القسم بوجـودكـم .. ؟؟

أعـــــــزاائـــــــي

دستـور هالقسـم يختلف على بااقي الأقسااام ..
ومن البدايه أي موضوع بشوفه مخالف للدستـور بينحذف .. حتى لو مابقى الا هالدستـور بهالقسـم ..

أهم شي عنـدي تطبيق النظاام


بالنسبة للأعضــــاء المستجـديـن :


طبعا اغلبكم يحس كأنه داخل مدرسه جديده او متعين بوظيفه جديده ولايعرف احد من اللي معه <<<< الله من زين التشبيه بعد
طبعا هالشعور طبيعي ولا تحسب انك معقد او فيك بلا .. الله لايقوله وتأكد انك هنا بين اخوانك وأخواتك وكلها فتره بسيطه ونقول راح الخبـــل وجاء الخبــل من زود الميانه اللي بيــنــنا

بس أهم شي ياعزيزي الموقر انك تنتبـه لهالنقاااط .. وتقراها زين مازين ..

--- احرص في البدايه انك تعرف وش نوعية الكتابه بالمنتدى .. يعني ماتدخل لمنتدى (حياة الناس) وتكتب موضوع مقلع والا تتكلم عن برنامج فايروسات جديد ( وجه كاتم الضحكه ) يعني بالعربي كل قسم وله اسلوبه ولا ابيك تجي وتحوس أم الدعوا بأي موضوع

--- في البدايه احرص على انك ترد على المواضيع المطروحه بحيث تبدأ تنعرف واحرص انك ماتجرح احد بردك وتسوي فيها انك زاحف وقوي لأن الاقلاع مهوب كذا الله يصلحكم يعني انــتــقد لكن بدون تجريح وبإختصار عامل الناس مثل ماتبي انهم يعاملونك

--- ابــعد عن المواضيع المــنقوله لأنه مثل ماانت عارف كل واحد هنا يقدر يدخل اي موقع ويقرا الموضووع .. وشوله يااخي تنقله وتجيبه هنـاا .. !! فـتخيل إن هالموضوع اللي بتنقله الأعضاء يكونوا شايفينه من قبل فماله داعي تحرج نفسك وتحرج اخواننا المواطنيين والمقيمين

--- إذا جيت تكتب موضوع ياعزيزي المشااهد لاتقول اخاف يطلع مــاصل أو بايــخ..!! ويجيني تهزيء من الإعضاء وتهون ماتنزله !! .. انتبه من هالنقطه واعطيك اكبر مثال :
انت الحين اذا سجلت صوتك وسمعته بالله ماتحوم تسبدك وانت تسمعه وتقول وش هالصوت اللي يجيب الحموضه
ومع ذلك تلقى فيه ناس خاقه ومعجبه بصوتك الخايس
يعني الشي اللي تكتبه انت لو انه وشو صدقني ماراح يعجبك ابد لكن فيه ناس راح تتشقق من الضحك والوناسه وهي تقرأ موضوع هاللي تقول انه ماله داعي فرجــاءا لاتحرم يتيم من ابتسامه بريئه ( وجه ينرحم ) بس انت ماعليك الا انك تكتب ومالك الا اللي يدعمك ويشجعك .. ومع الوقت بتتطـور ..

--- اذا نزلت موضوع وتفاجأت ان عدد اللي ردوا عليك شويـيـن لاتقول اكيد ان موضوعي ماصل ولا اعجبهم وتحطم نفسك بنفسك الله يفتح على قلبك ( وجه حنون )
ترا فيه اعضاء مايردون على الموضوع الا بعد فتره وفيه البعض يتأخر بالرد لأنه يبي يرد رد يليق بالموضوع ولا يبي يسوي شغل (هههههههههه الله يرجك موضوع مهوب صاحي) وهو تلقاه ماقرا الموضوع
وراح تلاحظ هالشي مستقبلا يعني بتنزل موضوع ويمكن تلقاه من اول يوم جايته ردود كثير ويمكن يجلس يومين او ثلاثه مارد عليك الا ثمانيه او عشره وبتشوف بعدها بكم يوم ان اللي ردوا يمكن يوصلون للميه يعني لاتستعجل على كثرة الردود وخل عندك ثقه بموضوعك وبالاعضاء

--- أحرص أنك تكون متعاون مع الاعضاء وخلك حبيب عشان العالم تحبك <<< نصيحة عجوز




عدم التجريح أو ذكر القبايل لابخير ولا شر

واللى يكتب موضوعـ من نفسه من وحيه عباره عن قصه

ياليت يكتب في اول الموضوع من تأليفى


والأبتعاد عن المواضيع التقليدهـ المنتشره في المنتدياتـ ـ ـ




جميع الملاحظات والإقترااحاات واللي عندهـ اي مشكله عندكم قسم ديوان المظالم والتطوير .. فحطوا هناك ومايصير خاطركم الا طيب
وكل شي تبونه بيصير ان شاللـه .. لا تشيلوون هم


اتمتى التوفيق للجميع وتطبق الاشياء المذكوره اعلاه





كان برفقتكم

المشرف العام

مستووور..